Nagbigay ng direktiba si Pangulong Ferdinand Marcos Jr. sa Food and Drug Administration (FDA) na pabilisin ang proseso at palakasin ang lokal na produksyon ng mga generic na gamot upang bumaba ang presyo nito.
Sa isang sectoral meeting, inatasan din ni Pangulong Marcos ang FDA na paikliin ang panahon sa review at approval processes ng generic drugs.
Ayon kay FDA Director General Samuel Zacate, inilatag na ng FDA ang mga panukala at rekomendasyon sa pagpapabilis ng drug registration.
Ibinahagi rin ni Zacate na nakatakda na niyang lagdaan ang isang memorandum circular na magpapaikli sa approval processes ng mga generic na gamot sa 45 days, mula sa dating 120 days.
Sa kabila nito, nilinaw ng FDA na hindi mababawasan ang requirements para sa naturang proseso.