Pinagpapaliwanag ng Metropolitan Water and Sewerage System (MWSS) Regulatory Office ang MAYNILAD hinggil sa kaliwa’t kanan na reklamo ng kanilang customers tungkol sa suplay at kalidad ng tubig.
Ayon sa MWSS, naglabas sila ng ‘Notice to Explain’ partikular sa reklamo ng mga customer nito sa Muntinlupa, Las Piñas, Paranaque at ilang bahagi ng Cavite.
Samantala, nababahala naman ang MWSS dahil sapat naman ang alokasyon ng tubig at kumilos na ito para maibsan ang impak ng problema sa Putatan Water Treatment Plant pero nagpapatuloy pa rin ang mga naturang reklamo ng mga customers.
Habang nakahanda naman ang MAYNILAD na sumagot sa MWSS at tiniyak na tutugunan ang problema ng kanilang mga customers.