Nabawi na ng tropa ng gobyerno ang Mapandi Bridge na dating staging area ng pag atake ng Maute Group.
Ayon kay AFP Spokesman Brigadier General Restituto Padilla malaking bagay ang pagkakabawi sa Mapandi Bridge para sa mga sundalo dahil madali na silang makapasok sa loob ng Marawi City at hindi na kailangan pang umikot ng malayo.
Mabilis na rin aniyang madadala sa loob ng syudad ang logistics at equipment na kailangan ng mga sundalong tumutugis sa Maute Group.
Sinabi ni Padilla na nangangahulugan itong may direktang access na ang tropa sa ground zero.
