Binuksan na sa publiko ang Manila Cathedral sa Intramuros.
Ayon kay Father Kalil Llamado, Vice Rector ng simbahan, masisilip ng Pinoy at foreign visitors ang walong side chapels na nilagyan ng exhibit hinggil sa kasaysayan nito.
Kabilang sa makikita sa tinaguriang mother of all philippine churches ang pipe organ na gawa sa bakal na siyang pinakamalaki sa Pilipinas at Timog Silangang Asya at glass windows sa balkonahe ng roof deck.
Tampok din sa open house tour ang underground kung saan nakalagak ang puntod ng tatlong Pilipinong arsobispo ng Diocese of Manila na sina Cardinal Santos, Cardinal Sin at Cardinal Rosales gayundin ang detalyadong altar.
Ikinagalak naman ng pamunuan ng Manila Cathedral ang pagbuhos ng mga bisita sa open house visit dito sa ika-anim napung anibersaryo ng muling pagtatayo ng simbahan matapos ang World War 2.
—-