Nanawagan si Manila Archbishop Jose Cardinal Advincula sa publiko lalo na sa mga botante na manalangin kasabay ng nalalapit National and Local Elections sa Mayo.
Nakapaloob sa liham Pastoral ng mga Obispo ng Ecclesiastical Province of Manila, nakasaad dito ang panawagan na taimtim na pagdarasal sa Banal na Rosaryo at humingi ng tulong sa pagdedesisyon sa pagboto ng napupusuang kandidato.
Paliwanag ng mga Obispo, nagagalak ang Mahal na Ina sa tuwing humihiling ng paggabay at pagkalinga ang kaniyang mga anak at tiyak na hindi niya ito bibiguin.
Maliban dito, ipinaalala rin ng mga Obispo na ipagtanggol ang katotohanan na makatulong sa pagpapabuti ng nakararami.
