Binalaan ni Pangulong Rodrigo Duterte ang mga tauhan sa airport dahil sa umano’y madaling pagpapasok ng mga byahero sa Pilipinas sa kabila ng mahigpit na pinatutupad na health protocols bunsod ng COVID-19 pandemic.
Ayon sa Pangulo, halos lahat ng bansa ay nagpapatupad ng mahigpit na health protocols bago magpapasok ng mga dayuhan sa kanilang bansa kaya’t marapat lang aniya na ganito rin ang gawin sa Pilipinas.
Wala mang tinukoy na opisyal ngunit sinabi ng Pangulo na kaniyang papalitan ang sinomang nakaupo ngayon na mabibigong magpatupad ng mahigpit na quarantine measures sa mga international travelers.
Itong mga taga- airport hindi niyo ba nahalata na lahat ng immigration personnel diyan, 42 of them at marami pang iba ang nadismiss sa trabaho, gusto ninyo ulitin ko yan? Just 1, just 1 incident tapos kayong lahat.″pahayag ng Pangulong Duterte.