Galit na ipinasarang muli ni Cavite Governor Jonvic Remulla ang lahat ng malls sa Cavite.
“Beast mode” ang gobernador sa kanyang Facebook page kung saan sinita nya ang hindi pagsunod ng mamamayan at ng mall owners sa regulasyon ng Inter-Agency Task Force (IATF) sa muling pagbubukas ng malls sa ilalim ng general community quarantine (GCQ).
Ayon kay Remulla, tila inakala ng mga tao na ang GCQ ay freedom pass at ang work I.D. ay “lakwatya pass”.
Binigyang diin ng gobernador na walang nakitang social distancing mula sa labas hanggang sa loob ng malls nang magsimula silang magbukas noong Sabado at Linggo.
Kung pati ang malls anya ay babantayan na ng mga pulis ay para na ring sinabi na wala nang ibang trabaho ang mga pulis kundi sitahin ang mga nasa malls.
