Posibleng maghain ng isang matibay na protesta ang pilipinas laban sa China hinggil sa usapin ng territorial dispute.
Ito ang kinumpirma ni Justice Secretary Vitaliano Aguirre kasunod ng plano ng China na magtayo ng environmental monitoring station sa Scarborough o Panatag Shoal.
Ayon kay Aguirre, sa katunayan aniya’y nais palakasing muli ng Pilipinas ang relasyon nito sa Estados Unidos upang makatulong sa pagtatanggol sa mga pinag-aagawang teritoryo.
Una nang inihayag ng Malakaniyang ang paninindigan ni Pangulong Rodrigo Duterte na hindi isusuko ang karapatan ng Pilipinas sa West Philippine Sea.
By: Jaymark Dagala
