Nanindigan si Magdalo Partylist Rep. Gary Alejano na mananatili ang kaniyang inihaing impeachment complaint laban kay Pangulong Rodrigo Duterte.
Ito ang reaksyon ni Alejano sa posibilidad na si Vice President Leni Robredo ang buweltahan ng administrasyon sakaling hindi niya i-atras ang nasabing reklamo.
Ayon sa mambabatas, tila ginagawang palit ulo lamang ng administrasyon ang Bise Presidente upang maipagtanggol ang Pangulo na malinaw naman aniyang may paglabag sa saligang batas.
Giit pa ni Alejano, hindi nila kaalyado si Robredo at hindi nila ginawa ang hakbang para palitan ng kaalyado nila ang Pangulo bagkus, nais lamang nilang maitama ang mali at mapanagot ang Pangulo.
By: Jaymark Dagala