Inihayag ng Malacañang na posibleng alisin na ang ipinatupad na “No Vaccination, No Ride” policy sakaling bumaba sa alert level 2 ang NCR.
Ayon kay Cabinet Secretary Karlo Nograles, para lamang sa alert level 3 o mas mataas pa ang nasabing polisiya.
Ipinaliwanag din niya sa kabila ng mga kritikong natatanggap na may legal na basehan ang paghihigpit sa pampublikong transportasyon dahil ito ay ipinatupad matapos maglabas ng ordinansa ang mga lokal na pamahalaan hinggil dito.
Samantala, muling sinabi ni Nograles na para sa proteksyon ng mga hindi pa bakunado ang naturang polisiya. —sa panulat ni Airiam Sancho
