Nagpaalala sa publiko ang Department of Energy (DOE) laban sa laganap na pagbebenta at promotion ng Energy-Saving Devices (ESDs) para makabawas sa kunsumo sa kuryente.
Ayon sa DOE, nais nilang ipaalam sa lahat na malaki ang posibilidad na linlangin ang mga consumer ng enerhiya at isulong ang personal na interes.
Para makatiyak, mas mabuti anilang humingi ang mga mamimili sa mga nagbebenta ng test result para matiyak na galing sa DOE ang mga produkto ng ESD.
Sinabi naman ng departamento na hanggang ngayon ay hindi pa nila tiyak ang kahusayan ng produkto.
Matatandaang ang nasabing hakbang ang isa sa mga pangunahing prayoridad ng DOE, alinsunod sa Republic Act No. 11285 o ang Energy Efficiency and Conservation Act at ang mga panuntunan at regulasyon dito.