Nakahanda ang Grab Philippines na sumunod sa kautusan ng Philippine Competition Commission na isoli ang mahigit P5-milyon sobrang pasahe na kanilang nasingil.
Ayon sa Grab, kanilang nirerespeto ang naging desisyon ng PCC at ang mandato nito na proteksyunan ang mga Pilipino consumers.
Sinabi ng Grab, nakikipag-ugnayan na sila sa PCC para maisapinal ang paraan na gagamitin sa pagbibigay ng refund sa mga apektadong pasahero.
Kanila aniyang ipaalam sa publiko ang mechanics sa refund 5 araw bago ito ibigay.
Samantala, tiniyak din ng Grab na nananatili silang sumusunod sa itinakdang fare matrix ng Land Transportation Franchising and Regulatory Board (LTFRB).
