Aabot sa mahigit 1.3 milyong pisong halaga ng hinihinalang shabu ang nasabat ng mga otoridad sa Sta. Cruz, Maynila.
Naganap ang buy-bust operation ng PNP Drug Enforcement Group, Special Operations Unit 4A, at Plaza Miranda PCP sa Barangay 307, kung saan nadakip ang dalawang lalaking suspek, edad 34 at 38-anyos.
Ayon sa mga otoridad, malakihan umano magbenta ng iligal na droga ang mga suspek na umaabot pa hanggang karatig-lugar sa CALABARZON.
Patuloy namang inaalam ng pulisya kung saan kumukuha ng suplay ng droga ang mga suspek.
