Mahigit 3,000 pulis ang idedeploy sa Central Visayas kaugnay sa papalapit na Undas 2022.
Ayon sa Police Regional Office Central Visayas (PRO) 7, itatalaga sa mga sementeryo at simbahan ang mga nabanggit na bilang ng mga pulis simula sa October 30 hanggang November 2.
Sa pahayag ni Regional Director Police Brigadier General Roderick Alba, nasa 441 na sementeryo ang nakatayo sa rehiyon kayat kanilang itataas ang police visibility sa lugar.
Sa ngayon, nanatiling nakafull alert status o heightened alert ang PNP kung saan, lahat ng kanilang mga tauhan ay obligadong magreport hinggil sa mga kaganapan sa undas.
