Ilang kustomer ng Manila Water ang makararanas ng water service interruption simula ngayong araw hanggang bukas, Nobyembre 18, bunsod ng mga isasagawang maintenance activities.
Kabilang sa mga maaapektuhan nito ang ilang bahagi ng Barangay Carmona sa Makati City, kung saan ipatutupad ang water interruption simula mamayang alas-10:00 ng gabi na tatagal hanggang alas-3:00 ng madaling araw ng November 18.
Makararanas din ng pagkaantala sa suplay ng tubig simula mamayang alas-10:00 ng gabi hanggang alas-4:00 ng madaling araw, ang ilang bahagi ng Barangay Ugong sa Pasig City; Barangay Valencia at Barangay St. Ignatius sa Quezon City; at Barangay Industrial Valley Complex sa Marikina City.
Pinayuhan naman ng Manila Water ang mga maaapektuhang customers na mag-ipon ng sapat na supply ng tubig na kanilang kakailanganin sa oras na umiral ang water service interruption sa kanilang lugar.