Sinalubong naman ng mahabang pila ang mga mananakay ng EDSA Bus Carousel sa unang lunes ng pagpapatupad ng Modified Enhanced Community Quarantine (MECQ) sa National Capital Region.
Ayon sa ulat, naging mahaba ang ang pila sa parte ng carousel sa Nepa Q-Mart sa lungsod ng Quezon.
Alas kwatro pa lang ng umaga, puno na ng mga pasahero ang nasabing estasyon dahil limitado lamang ang maaring maisakay dahil sa ipinatutupad na health protocols.
Agosto 21 ng isailalim sa MECQ ang Metro Manila muna ECQ dahil pa rin sa banta ng COVID-19 at Delta variant. —sa panulat ni Rex Espiritu
