Ikinababahala ni Senador Ramon “Bong’ Revilla Jr. ang nakaambang kakulangan sa bigas sa susunod na 15 taon sa bansa dahilan upang magpanukala ng batas ang senador na naglalayong ipakilala ang industriya ng paggsasaka sa mga kabataan.
Tinawag na Senate Bill No. 1422 ang naturang panukala para na layon ding magprotekta sa karapatan ng mga batang magsasaka.
Ayon kay Revilla karaniwan sa Pilipinong magsasaka ay edad 57 taong gulang, dahil dito’y posibleng dumanas ang bansa ng kakulang sa suplay ng palay kaya’t marapat umano bawasan ang importasyon ng bigas.
Dagdag pa ng senador sa pamamagitan ng tamang edukasyon, pagsasanay at sa tulong ng makabagong teknolohiya , credit at kapital, ang mga milenyal ay magiging instrumento para sa produksyon ng pagkain sa bansa.
Malaki aniya ang matutulong ng mga kabataan para magamit ang teknolohiya sa sektor ng agrikultura.—sa panulat ni Agustina Nolasco
