Niyanig ng magkasunod na lindol ang Calayan, Cagayan.
Ayon sa PHIVOLCS, unang naitala ang Magnitude 5.4 bandang alas-4:42 kahapon ng hapon sa layong 28 kilometers sa bahagi ng Dalupiri Island na may lalim na 39 kilometers at tectonic ang origin o pinagmulan nito.
Dahil dito, naitala ang instrumental intensity III sa Pasuquin, Ilocos Norte; Intensity II sa Laoag City, Ilocos Norte at Claveria, Cagayan; Habang Intensity I naman sa Gonzaga, Cagayan.
Samantala, nasundan pa ito ng Magnitude 3.7 alas-4:51 kahapon ng hapon sa layong 27 kilometers at tectonic ang origin nito.
Wala namang inaasahang damage o aftershock, matapos ang kambal na pagyanig.
