Asahan parin na magiging maulap ang kalangitan sa western side ng Northern at Central Luzon kabilang na diyan ang Ilocos Region, Zambales, Bataan, Pampanga, Bulacan, CALABARZON at Metro Manila.
Ayon kay PAGASA weather specialist Obet Badrina, malaki ang tiyansa na magiging maulap ang kalangitan na may mga kalat-kalat na pag-ulan, pagkulog at pagkidlat lalo na sa hapon hanggang sa gabi dahil sa south western surface windflow o yung hangin na nagmumula sa timog kanluran.
Magiging maaliwalas naman ang panahon sa silangang bahagi ng Luzon maliban nalang sa mga isolated rain showers at thunderstorms sa hapon hanggang sa gabi.
Maaliwalas naman ang panahon sa Visayas at Mindanao kung saan, makakaranas ng isolated rain showers at thunderstorm sa hapon at gabi ang bahagi ng Samar Leyte, Bohol, Cebu, Panay Island, Negros Island, Guimaras, Siquijor, Cagayan De Oro, Zamboanga, at Davao Region.
Wala namang nakataas na gale warning signal ang PAGASA kaya malayang makakapalaot ang lahat ng mangingisda at maliliit na sasakyang pandagat.
Agwat ng temperatura sa Metro Manila ay maglalaro sa 25°C hanggang 32°C habang sisikat naman ang haring araw mamayang 5:27 ng umaga at lulubog naman ito mamayang 6:17 ng hapon.