Ipatutupad ng Land Transportation Franchising and Regulatory Board (LTFRB) ang ilang pagbabago sa kapasidad ng mga pampublikong sasakyan sa buong bansa ngayong araw hanggang Enero 4, 2022.
Batay sa memorandum circular na inilabas ng LTFRB, mananatili sa 70 percent ang passenger capacity ng mga PUV sa Metro Manila kabilang ang mga probinsya na Bulacan, Cavite, Laguna at Rizal.
Kaugnay nito, maaaring iakyat sa 70% passenger capacity mula sa 50% ang mga rehiyon na mayroon nang 30% vaccination rate ngayong Disyembre.
Paliwanag ng LTFRB, maaaring magsumite ng certification of vaccination rate na galing sa Regional Inter-Agency Task Force o DOH ang ibang mga rehiyon na hindi pa kumpirmado ang bilang ng nabakunahan sa kanilang lugar upang maipatupad ang nasabing kapasidad. —sa panulat ni Airiam Sancho
