Magkakaloob ng libreng sakay sa mga guro ang Light Rail Transit-2 (LRT-2) at Metro Rail Transit-3 (MRT-3) ngayong araw.
Ito ay bilang pakikiisa sa taunang selebresyon ng “World Teachers’ Day”.
Batay sa abiso ng pamunuan ng LRT-2, magsisimula ang libreng sakay para sa mga guro alas kwatro y media ng madaling araw hanggang alas diyes y media ng gabi.
Habang sa MRT-3 naman ay magsisimula ng ala singko y media ng umaga hanggang alas diyes y media ng gabi.
Mangyaring iprisinta lamang umano ng mga guro ang kanilang school o faculty ID, DepEd o PRC license ID para ma-avail ang libreng sakay.
—-
