Umapela sa Department of Health (DOH) ang League of Provinces of the Philippines (LPP) na bilisan na ang pagpapalabas ng guidelines para sa paggamit ng rapid test kits para sa coronavirus disease 2019 (COVID-19).
Ayon kay Marinduque Governor Presbitero Velasco Jr, Pangulo ng LPP, kailangan ring sumailalim pa sa training ang mga municipal health workers para sa paggamit ng rapid test kits.
Binigyang diin ni Velasco na malaking tulong ang rapid test kits para sa agarang desisyon at aksyon ng local government units sa mga posibleng COVID-19 patients sa kanilang nasasakupang lugar.
