Patay ang isang kagawad matapos pagbabarilin sa Sitio Cabcabon, Brgy. Banga sa Bayawan City, Negros Oriental nitong Biyernes.
Kinilala ni Negros Oriental Provincial Police office P/ Lt. Col. Roland Lavisto ang biktima na si Diosdado Gemina, Kagawad ng Brgy. San Miguel ng nasabing probinsiya.
Nakasakay umano ang biktima sa motor bago maganap ang pamamaril.
Batay sa imbestigasyon, nakasuot ng itim na jacket at sombrero ang suspek habang nakasakay rin sa motorsiklo.
Inaalaman pa ng mga otoridad kung may kinalaman ang trabaho sa barangay sa pagkamatay ni Gemina.
Patuloy naman ang hot pursuit operation para matugis ang salarin. —sa panulat ni Maze Aliño – Dayundayon
