Magpapatupad ng lockdown sa mga sementeryo ang Malabon City government na magsisimula sa October 29 na tatagal hanggang November 3, 2021.
Base sa pinirmahang Executive Order No. 21-10-06-030 series of 2021, pansamantala munang isasara ang lahat ng mga sementeryo sa naturang lungsod.
Ayon sa pamahalaang lokal, maari lamang bisitahin ang mga yumaong pamilya hanggang sa huling araw ng itinakdang petsa o huling araw ng pagsasara ng sementeryo sa lungsod.
Layunin kasi ng Malabon City government na maiwasan ang pagdami ng tao sa sementeryo at maiwasan ang pagsirit ng Covid-19 cases. — Sa panulat ni Angelica Doctolero
