Itinanghal bilang may pinakamagandang mukha ang Kapamilya star na si Liza Soberano.
Ayon ito sa listahan ng taunang ‘The 100 Most Beautiful Faces’ ng isang British movie critic na si TC Candler, kung saan naungusan ni Liza sina Emma Watson at Thylane Blondeau.
Ito ang ikatlong beses na nakasama si Liza sa listahan, ika – 6 noong taong 2015 at pangalawa noong isang taon.
Kabilang din sa listahan ang iba pang Pinay na sina Kathryn Bernardo (ika–60), Jessy Mendiola (ika–71), Nadine Lustre (ika–78), at Kim Domingo (ika–96).
Samantala, pasok naman ang tatlong Pinoy na aktor sa ‘The 100 Most Handsome Faces of 2017’.
Kabilang dito sina James Reid (ika–4), Enrique Gil (ika–61), at Daniel Matsunaga (ika–88).
Ayon kay TC Candler, ang listahan ay inayos ng kanyang organisasyon na The Independent Critics.
Paglilinaw pa niya, ang ipinalabas na listahan ay hindi isang patimpalak.
