Magsasagawa ng libreng RT-PCR test para sa mga local tourist ang Department of Tourism sa gitna ng pagluluwag ng domestic travel sa iba’t ibang panig ng bansa.
Ayon kay Tourism Secretary Bernadette Romulo-Puyat, sasagutin ng kanilang ahensya ang COVID-19 test sa mga lokal na turista na isasagawa sa Philippine Children’s Medical Center sa Quezon City.
Sinabi pa ni Puyat na puwede kahit ilang beses mag avail ang isang indibidwal sa libreng swab test at wala ring age restriction.
Para sa mga interesado sa libreng RT-PCR test, maaring mag-apply online sa Tourism Promotions Board (TPB) at kailangan na ipakita na sila ay nasa DOT-Accredited Hotel.
Sa ngayon, may ilang lugar na sa bansa ang hindi na nirerequired ang swab test sa mga turista basta ipakita lang ang vaccination card na nagpapatunay na ikaw ay fully vaccinated. —sa panulat ni Angelica Doctolero
