Muling inihain sa Kamara ang panukalang taunang libreng check-up para sa lahat ng mga Pilipino.
Sa House Bill 430 na inihain ni anakalusugan party-list representative Ray Florence Reyes, lahat ng mga Pilipino ay makatatanggap ng libreng check-up kasama ang blood sugar at cholesterol test.
Ipapatupad ang panukala sa tulong ng Department of Health (DOH) at Philippine Health Insurance Corporation (PHILHEALTH).
Noong 18th Congress, kahalintulad na resolusyon din ang inihain ni dating anakalusugan Rep. Mike Defensor, na bagaman naaprubahan sa ikatlo at huling pagbasa ay hindi naman natapos ng senado.
