Hinimok ng isang eksperto ang publiko na panatilihin ang pagsusuot ng face mask at palaging maghugas ng kamay laban sa anthrax.
Ito’y matapos makitaan ng sintomas ang mahigit 20 katao sa Cagayan ng nasabing bacteria.
Sinabi ni infectious disease expert Dr. Rontgene Solante na posibleng makahawa sa pamamagitan ng direct contact at respiratory droplets.
Ani Solante, maaari itong kumalat sa katawan ng isang indibidwal sa loob ng tatlo hanggang apat na araw.
Maliban dito, posibleng magkaroon din ng pneumonia ang sinumang dadapuan nito.
Aniya, hindi dapat mag-panic ang publiko pero kailangan agad na kumilos para hindi ito kumalat.
