Bigo pa rin ang otoridad na mahanap ang labi ni Bien Unido Bohol Mayor Gisela Boniel.
Matatandaan na pinatay di umano ang alkalde at itinapon ang kanyang labi sa Caubian Island sa Lapu – Lapu City.
Ginamitan na ng special diving equipment mula sa Philippine Navy ang pagpapatuloy ng paghahanap sa labi ni Boniel.
Nitong Lunes ay gumamit ng sonar technology o fish finder ang technical divers na may kakayahang magka-detect ng isda at iba pang bagay sa ilalim ng dagat subalit bigo pa rin silang makuha ang labi ni Boniel.
Inaasahang ngayong Martes ay nakasuhan na ng parricide si Niño Rey Boniel, ang asawa ng alkalde na suspek sa pagpapadukot at pagpatay sa kanya.
By Len Aguirre
