Muling nadagdagan ang listahan ng mga kuwestyunableng pangalan na sinasabing tumanggap ng confidential funds ng Department of Education sa ilalim ng pamumuno ni Vice President Sara Duterte.
Ayon kay House Deputy Majority Leader Paolo Ortega V, lumabas sa pagsusuri ng kongreso ang mga bagong pangalan na Amoy Liu, Fernan Amuy, at Joug De Asim na tinawag na ‘Team Amoy Asim”.
Banat ng Kongresista, kung una ay may chichirya, cellphone, at prutas na sinundan ng ‘Dodong Gang’, ngayon naman ay mayroong ‘Team Amoy Asim.’
Kung sa listahan pa lang aniya ay maasim na ang dating ng pekeng mga pangalan, paano pa kaya sa mismong transaksyon.
Batay sa tala ng Philippine Statistics Authority, wala ring birth, marriage, o death records ang mga naturang indibidwal.
Kasunod nito, hinimok ni Congressman Ortega si VP Sara na harapin ang mga alegasyon sa harap ng kanyang nalalapit na impeachment trial para ipaliwanag sa publiko ang nasabing isyu. —sa panulat ni Alyssa Quevedo
