Nag-alay ng bulaklak ang mga opisyal ng UKCA o United Korean Community Association in the Philippines sa parking area ng PNP Police Community Relations Group building kung saan pinaniniwalaang pinaslang si Korean national Jee Ick Joo.
Sinabi ni Charlie Shin ng UKCA na nais nilang magpaabot ng pakikiramay sa pamilya ni jee.
Sa kabila nito, sinabi ni Shin na nananatili pa rin ang kanilang tiwala sa gobyerno ng Pilipinas at umaasang sa lalong madaling panahon ay mareresolba ang kaso.
Aminado rin si Shin na nakaramdam sila ng takot at pangamba dahil sa sunud-sunod na pagdukot at pangongotong sa kapwa nila mga Koreano.
Gayunman, hindi naman aniya sila nanawagan na umalis na sa bansa ang kanilang mga kababayan dahil para sa kanila mapayapa pa rin sa pangkalahatan ang Pilipinas.
By: Meann Tanbio / Jonathan Andal
