Muling dinepensahan ng Malakanyang ang tinaguriang kautusan ni Pangulong Rodrigo Duterte na sitahin ang mga tambay.
Ayon kay Presidential Spokesman Harry Roque, hindi siya naniniwala na inaresto bagkus ay sinita lamang ang mga tambay at kung tutuusin ay masyadong malaki ang nasa 7,000 na una nang napaulat sa media.
Kinuwestyon lamang anya sa mga presinto at barangay center at pinauwi naman ang mga nasitang tambay.
Samantala, pinawi naman ni Roque ang mga pangamba ng publiko sa pagtitiyak na walang dapat ikatakot ang mga walang nilalabag na ordinansa.