Nakahandang magtayo ng vaccine manufacturing sa bansa ang pharmaceutical company na Globax.
Ayon kay Dr. Jaime Montoya, Executive Director ng Philippine Council for Health Research and Development, nagpulong na ang kanilang hanay sa Globax courterparts hinggil sa naturang usapin.
Dagdag ni Montoya, nakipag-partner ang Globax sa isang Korean manufacturing company na kapwa nito gumagawa ng bakuna.
Ibig sabihin, oras na matuloy ang naturang plano, ani Montoya, magkakaroon ng local capacity para makabuo ng bakuna ang ating bansa.
