Isang kwarenta’y syete anyos na overseas Filipina worker (OFW) ang nasawi sa Kuwait dahil umano sa pagmamalupit ng amo.
Kinilala ni Labor Secretary Silvestre Bello III ang biktimang si Constancia Lago Dayag, tubong-agadanan, Isabela.
Dinala si Dayag sa Al-Sabah Hospital noong Miyerkules ng gabi pero idineklarang dead on arrival matapos magtamo ng mga pasa at bukol habang may nakita pa umanong pipino sa maselang bahagi ng katawan nito.
Nais ni Bello na papanagutin ng pamahalaan ng Kuwait ang salaring nagmalupit sa OFW.
Inatasan na ng kalihim Ang Philippine Overseas Employment Administration (POEA) at Philippine Overseas Labor Office (POLO) sa Kuwait na hanapin ang foreign at local agencies na nagpadala kay Dayag sa naturang bansa.
