Nasa 300 miyembro ng Seventh Day Adventist na karamiha’y kabataan ang naospital sa Bukidnon dahil sa hinihinalang food poisoning.
Kasama ang mga biktima sa National Youth Convention ng Seventh Day Adventist nang biglang sumama ang kanilang pakiramdam.
Ayon kay Dr. Henry Legaspi, chief ng Bukidnon Provincial Medical Center, nagpadala sila ng mga sample ng rectal swabs ng mga pasyente sa research institute for tropical medicine upang matukoy ang sanhi ng food poisoning.
Ininspeksyon na ng Department of Health (DOH) at nakita sa lugar na maraming langaw na galing sa dalawang poso negro sa compound.
