Nadagdagan ng 2,109 ang kaso ng Coronavirus Disease (COVID-19) sa bansa dahilan upang pumalo sa 36,943 ang kabuuang aktibong kaso ng COVID-19 ngayong Sabado, Enero 30.
Batay sa tala ng DOH, 523,516 katao na ang kabuuang bilang na tinamaan ng COVID-19 sa bansa habang 475,904 sa mga ito ay gumaling na.
Samantala, nakapagtala naman ng 71 mga bagong nasawi ngayong araw dahilan upang umakyat sa 10,669 ang kabuuang bilang ng lahat ng nakitil ng naturang virus sa bansa..—sa panulat ni Agustina Nolasco