Asahan na sa susunod na dalawang linggo ang karagdagang economic output na aabot sa 7.2 billion pesos sa pagbaba ng Alert level 2 sa Metro Manila.
Batay sa pagtaya ng National Economic and Development Authority, nasa 3.6 billion pesos ang economic output sa NCR na katumbas ng 16,000 jobs kada linggo.
Sa nakalipas na tatlong linggo, lumobo na sa 17.4 billion pesos at 72,000 jobs ang ini-ambag ng Metro Manila sa ekonomiya ng bansa.
Alinsunod sa Alert level 2, mas maraming negosyo ang pinapayagang mag-operate sa mas mataas na capacity.
Dahil sa nasabing hakbang, umaasa ang Tourism Congress of the Philippines na mapabibilis pa ang recovery ng tourism sector ng bansa na napapanahon para sa Christmas Season.