Nagbigay ng karagdagdang P6-B pondo ang Philippine Amusement and Gaming Corporation (PAGCOR) para sa socio civic funds project ng Office of the President.
Sa ipinalabas na pahayag ni PAGCOR Chairman and CEO Andrea Domingo, sinabi nito na nasa P14.5-B na ang kabuuang halaga ng naibigay nilang kontribusyon sa tanggapan ng Pangulo.
Ani Domingo, inilalaan ang nabanggit na pondo para sa mga proyekto at programa para malabanan ang pagkalat ng coronavirus disease 2019 (COVID-19) alinsunod na rin sa pagdedeklara ng Pangulo ng state of public health emergency at enhanced community quarantine.
Tiniyak naman ni Domingo na bagama’t suspendido ang kanilang operasyon, patuloy nilang kumikilos para maibigay ang kinakailangang tulong ng pamahalaan sa gitna ng krisis.
Maliban sa nabanggit na pondo, nagbigay rin ng donasyon ang PAGCOR tulad ng food packs, personal protective equipment at iba pang pangangilangan ng mga frontliners, ospital at komunidad.
