Nagsalita na ang kapatid ni COMELEC Chairman Andres Bautista sa issue ng tago umanong yaman nito na isiniwalat ng asawang si Patricia Paz-Bautista.
Ayon kay Dr. Martin Bautista, sa nakalipas na 25 taon ay marami na silang kinita sa iba’t ibang investments na pinangangasiwaan ng kanyang kapatid na si Andy.
Batid naman anya ni Patricia o Tisha na si Andy ang nangangasiwa sa mga investment nilang magkakapatid.
Nakatakda namang bumalik ng Pilipinas mula Oklahoma, sa Estados Unidos si Martin upang bigyang linaw ang mga alegasyon ng kanyang hipag.
