Itinanggi ng kampo ni Patricia Cruz-Bautista, maybahay ni COMELEC Chairman Andres Bautista na si Louise “liza” Araneta-Marcos, na asawa ni dating Senador Bongbong Marcos, ang namagitan upang magkaroon ng meeting ang mag-asawang Bautista kay Pangulong Rodrigo Duterte.
Ayon kay Atty. Martin Loon, legal counsel ni Patricia, isang malapit kay Pangulong Duterte ang tumulong upang makausap ito ng mag-asawang Bautista pero hindi na muna nila papangalan ang nasabing personalidad.
Nilinaw naman ni ginang Bautista na wala siyang kaugnayan sa mga Marcos lalo sa maybahay ng dating Senador.
Aminado si Patricia o Tish na ang pagpapasaklolo sa Pangulo ang kanyang nakikitang “last resort” upang matuldukan ang hidwaan nilang mag-asawa.
