Tabla na sa 2-2 ang San Miguel Beermen at Rain or Shine Elasto Painters sa PBA semi-finals.
Kasunod na rin ito nang pagbawi ng Beermen sa laro kontra Elasto Painters kung saan naitala sa 105-92 ang final score.
Bumida muli sa laro si June Mar Fajardo ng San Miguel matapos gumawa ng 33 points, 15 rebounds, 6 na block at tatlong (3) assist.
Pinangunahan naman ni Maverick Ahanmisi ang pinakamataas na puntos para sa Rain or Shine.
Global Port vs Alaska
Samantala, mas paiigtingin naman ni Global Port Guard Joseph Yeo ang suporta kay Terrence Romeo.
Ito ay para makabangon sa 1-3 deficit kontra Alaska Aces sa kanilang best of seven sa PBA Philippine Cup.
Tiniyak ni Yeo ang pagpapalakas at pagpapaganda ng kanilang opensa kasama sina Jay Washington, Keith Jensen at Stanley Pringle.
Umaasa si Yeo na susuwertehin ang kanilang team sa Game 5 ngayong araw na ito dahil sigurado aniyang iibahin ng kanilang kalaban ang game plan.
By Judith Larino
*Photo Credit: PBA Media Bureau
