Inilunsad ng Bureau of Fire Protection (BFP) ang Oplan Paalala 2015 “Iwas Sunog, Iwas Paputok sa Pasko at Bagong Taon” kahapon.
Kasabay nito, pinangunahan din ni BFP Director Ariel Barayuga ang pag-iinspeksyon sa tindahan ng mga paputok sa Bulacan.
Sinabi ni Bayuga na kahapon ay wala silang nahuling nagbebenta ng pyrotechnic products na maituturing na paglabag sa Republic Act Number 7183 o Firecracker Law.
Umapela rin si Barayuga sa mga mamimili na iwasan ang paggamit ng paputok sa pagsalubong sa Bagong Taon at sa halip ay gumamit lamang ng aerial fireworks products.
By Meann Tanbio
