Pinaghahanap na ng mga otoridad ang suspek na nagnakaw sa kalahating milyong pisong halaga ng pera na dapat ay ilalaan ni Mary Rose Aguirre, 42-anyos sa kaniyang mga tauhan sa isang grocery store sa San Pedro City, Laguna.
Ayon sa biktima, tinangay ng kaniyang household helper na kinilalang si Lyra Fulleso, 24-anyos ang dapat sanay 13th month pay at pasuweldo sa kaniyang mga tauhan matapos niyang ipagkatiwala ang susi ng kaniyang negosyo.
Sinabi pa ni Aguirre na naging magaan ang kaniyang loob sa suspek dahil naging maayos umano ito bilang kasama sa bahay.
Nang makabalik ang biktima sa kaniyang tindahan ay wala na umano ang suspek na si Fulleso kung saan, siniranito ang lock ng cabinet kung saan nakatabi ang perang pabonus at pasuweldo sa mga empleyado.
Nag sasagawa na ng malalimang imbestigasyon ang mga otoridad kaugnay sa naganap na nakawan. –Sa panulat ni Angelica Doctolero
