Walang katumbas na salita ang kahihiyan ng mga Marcos.
Ito ang tahasang sinabi ni Albay Representative Edcel Lagman matapos siyang makatanggap ng imbitasyon para sa selebrasyon ng ika – i00 kaarawan ni dating Pangulong Ferdinand Marcos sa Libingan Ng Mga Bayani bukas.
Ani Lagman , mababahiran lang ng dumi ng isasagawang celebration party ang alaala ng mga lehitimong bayani na nakalibing sa naturang sementeryo.
Sinabi pa ng mambabatas na dadagdagan lang ng nasabing selebrasyon ang sakit sa naghihilom na sugat ng maraming biktima ng diktaturyang Marcos.
Mungkahi ni Lagman, mas mainam na ibalik na agad lahat ng nakaw na yaman ng mga Marcos bilang marka sa ika – 100 anibersayo ng kapanganakan ng dating Pangulo.
Matatandaang isa si Lagman sa mga nag- petisyon na muling hukayin ang labi ni dating Pangulong Marcos sa Libingan Ng Mga Bayani.