Pinuna ni Isambayan Convenor Atty. Howard Calleja ang kabagalan ng pamahalaan sa pag-aksyon sa mga kaso ng katiwalian sa bansa.
Ayon kay Atty. Calleja, dapat sertipikahan ni Pangulong Ferdinand Marcos Jr. ang People’s Commission bilang batas upang mapalakas ang laban sa korapsyon.
Iginiit din ng abogado sa DWIZ na dapat tiyakin ng pangulo na panagutin ang mga sinasabing sangkot sa isyu ng flood control projects.
Kaugnay nito, nagbahagi ng preparasyon si Atty. Calleja sa isasagawang Trillion Peso March sa Nobyembre a-trenta na bukas anya para sa lahat ng tunay na lumalaban sa korapsyon.
Binigyang-diin din ng Isambayan convenor na hindi nila basta-basta papayagang magsalita sa programa ang personalidad o grupo na lihis sa mithiin ng naturang demonstrasyon.
