Ipinagtanggol ng Kapuso actress at singer na si Julie Anne San Jose ang kanyang co-star sa Sunday Pinasaya na si Atak.
Ito’y may kaugnayan sa pagkumpara umano ni Atak kay Julie at sa Dubsmash Queen na si Maine Mendoza.
Ani Julie, hindi siya naniniwalang magagawa ni Atak na siraan si Maine.
Paglilinaw pa ng singer wala din umanong samaan ng loob sa pagitan nila ni Atak sa pagkakadawit ng pangalan nito sa isyu.
Kasabay nito, iginiit ni Julie na wala silang problema ni Maine dahil sa katunayan anya, ilang beses nang nagku-krus ang kanilang landas sa sa Eat Bulaga at sa Sunday Pinasaya.
Dagdag ni Julie, bashers lang naman ang nagbibigay ng mga ganitong isyu.
Matatandaang binaha ng mga negatibong reaksyon si Atak matapos kumalat ang umano’y sinend na private message nito sa isang fan para siraan ni Maine, na agad namang pinabulaan ng komedyante.