Nagningning ang performance ni pop star Jennifer Lopez sa The Tonight Show with Jimmy Fallon nitong Martes suot ang damit na gawa ng Dubai-based Filipino designer na si Michael Cinco.
Sa Instagram post ni Cinco, ibinahagi nito na ang disenyo ng cape na suot ni JLo ay inspirasyon mula sa magagandang stained glass windows ng kilalang Sainte-Chapelle sa Paris.
Kinanta ni Lopez ang “Love Make The World Go Round”, isang tribute song para sa mga biktima ng Orlando mass shooting sa Florida noong isang buwan kung saan 49 ang namatay at higit 50 ang sugatan.
Layon ni Lopez kasama ang writer at rapper na si Lin-Manuel Miranda na makapag-ambag ng pondo para sa mga biktima.
Photo Credit: ET Online
