Posibleng kasuhan ng grupong Duterte Youth ang singer composer na si Jim Paredes matapos ang nangyaring komprontasyon sa EDSA People Power Anniversary noong Sabado.
Sa isinagawang presscon ni Solicitor General Jose Calida kahapon, nagpresinta ang abogadong si Lorenzo Gadon para maging kinatawan ng grupo.
Ayon kay Gadon, posibleng maharap si Paredes sa kasong unjust vexation at theft of personal property dahil sa pang-aagaw nito ng tarpaulin sa gitna ng rally.
Sa nasabi ring pagtitipon ay ginawaran ni Solicitor General Calida ang mga miyembro ng Duterte Youth ng pin na may nakasulat na republic defender dahil sa matapang na pagtataguyod ng mga ito sa kalayaan ng pamamahayag.
By Rianne Briones
