Hindi apektado si Jasmine Curtis Smith sa lumabas na isyu kaugnay ng kumalat na larawan nila ni Erwan Heussaff, ang boyfriend ng kanyang ate na si Anne Curtis.
Matatandaang naging viral sa social media at umani ng mga di magagandang komento ang sweet photo nina Jasmine at Erwan na halos magkayakap at magkadikit na ang mga pisngi.
Ayon kay Jasmine, hindi naman siya nasaktan sa mga natanggap niya negatibong komento kaugnay ng kumalat na larawan sa social media.
Ikinagulat lang ng nakababatang Curtis ang naging reaksyon ng netizens sa nasabing viral photo pero naunawaan naman daw niya na natural lamang ito dahil sa pagkakaiba-iba ng mga kultura.
Nilinaw rin ni Jasmine na walang nagbago sa relasyon nilang magkapatid at ni Erwan.
By Krista de Dios
