Patay ang isang IT Operator ng Bureau of Customs (BOC) matapos pagbabarilin ng hindi pa nakikilalang salarin sa Sta. Ana sa Maynila.
Ayon sa mga otoridad, sa loob ng kotse nito binaril ang biktima, malapit sa mismong bahay nito sa Pedro Gil Street.
Tinangka pa itong dalhin sa Sta. Ana Hospital pero idineklara nang dead-on-arrival.
Patuloy naman ang imbestigasyon ng mga otoridad sa nangyari. —sa panulat ni Abigail Malanday
